Liverpooli ka shënuar fitore me rezultat 4-1 ndaj Aston Villas në kuadër të turit të tretë të FA Kupës.

Aston Villa kishte shumë probleme me COVID-19 dhe në këtë ndeshje futi në fushë, një skuadër të re, që vinin nga ekipin U23 dhe më poshtë.

Në anën tjetër Liverpooli kishte angazhuar disa nga yjet më të mëdha për të triumfuar në këtë takim.

Ndeshja nisi më mirë për Liverpoolin, që shënoi që në minutën e katërt me Sadio Mane (1-0).

Por Villa barazoi rezultatin në minutën e 41-të me të riun Louie Barry (1-1), rezultat me të cilin u mbyll pjesa e parë.

Georginio Wijnaldum shënoi për 2-1 në minutën e 60-të të ndeshjes.

Një minutë pas, në vend të Takumi Minamino në fushë u fut Xherdan Shaqiri që ishte në formë të lartë.

Ai fillimisht asist te goli i parë te Sadio Mane i cili shënoi me kokë për 3-1.

Pas dy minutash Xherdani kontribuoi edhe me një tjetër asist, ku shënoi Mohamed Salah që shënoi për 4-1 dhe ishte edhe rezultati përfundimtar i ndeshjes.

Në takimin tjetër Wolverhampton mund Crystal Palacen me rezultatin 1-0.

Goli i vetëm i ndeshjes u shënua nga Adama Traore në minutën e 35-të.