Lorenzo Insigne ka folur për Prefered Magazine për eksperiencën e tij me Toronto-n në MLS. Gjithashtu ai ka kujtuar edhe atmosferën në Napoli.
Ish-kapiteni napolitan shpjegoi gjithashtu disa ndryshime në jetën e përditshme:
“Toronto është një qytet si çdo qytet tjetër i madh metropolitane në botë. Ka një standard kaq të lartë arsimimi sa është kaq i rëndësishëm për mua dhe fëmijët e mi; do të jetë e ardhmja e tyre. Multikulturalizmi i këtij qyteti është i jashtëzakonshëm; gruaja ime dhe unë jemi shumë të lumtur me të. Ai do t’u japë fëmijëve tanë një mendje kaq të hapur ndaj botës dhe njerëzve, dhe me një komunitet kaq të fortë italian këtu, ne ndiejmë se i përkasim”.
Duke nënvizuar disa dallime edhe në marrëdhëniet me tifozët, Insigne shtoi:
“Ata shkojnë në stadium për të parë ndeshjet me familjen e tyre. Atyre u pëlqen sporti dhe kjo më bën të lumtur. Gjithashtu më bën të lumtur që mund të marr familjen time dhe të dal pas ndeshjeve dhe shijoj festimet me tifozët dhe qytetin, diçka që nuk kam mundur ta bëj kurrë në Napoli. Unë mund t’i marr fëmijët e mi nga shkolla, të dëgjoj për ditën e tyre dhe t’i shikoj duke luajtur sport. Qeni im, Ciro, është gjithashtu i lumtur këtu; mund ta çoj për një shëtitje, gjë që nuk mund ta kisha bërë kurrë më parë”.
Një koment për konkurrencën e MLS:
“Të them të drejtën, MLS më befasoi në një nivel loje. Prisja një nivel më të ulët të lojës, por e vërteta është se ka ekipe brenda MLS që luajnë në një nivel të lartë. Nëse klubet vazhdojnë të investojnë në lojtarë, kampionati mund të vazhdojë vetëm të rritet. Unë do të bëj më të mirën për të përmbushur atë që pritet nga unë, jo vetëm për veten time, por për familjen time, klubin dhe më e rëndësishmja, tifozët e Toronto-s”.
