Tirana mposhti në transfertë Kastriotin me rezultatin 1-0 në ndeshjen e vlefshme për javën e 22-të të Kategorisë Superiore.
Pas shumë vuajtjeve bardheblutë arritën të fitonin në limitet e fundit të ndeshjes falë golit të Nikqit të shënuar në minutën e 100′. Gjatë sfidës ata patën raste shumë të mira, por më i arti ishte penalltia e humbur nga Hasani. Nga ana tjetër Kastrioti u përpoq deri në fund të dilte me të paktën 1 pikë nga kjo sfidë, por nuk ja dolën. Gjithashtur portieri Sali bëri disa pritje të mrekullueshme duke ndalur shumë herë Tiranën kryesuese.
Me këtë fitore Tirana ruan vendin e parë dhe shkon në kuotën e 40 pikëve, ndërsa Kastrioti mbetet në vendin e 10-të me 20 pikë.
KASTRIOTI – TIRANA 0-1:
90’+10′ Nikqi
Egnatia dhe Vllaznia u ndalën në një barazim pa gola në Rrogozhinë, sfidë e vlefshme për javën e 22-të të Superiores.
Të dyja skuadrat e nisën lojën me një ritëm të ulët, duke mos prodhuar shumë raste në pjesën e parë. Në të dytën ndryshoi diçka në lojën e ekipeve, por sërish pa gjetur golin.
Gjithashtu pati dhe disa momente proteste nga ana e shkodranët, të cilët kërkonin një karton të kuq për Duamenën, me këtë të fundit që shkaktoi një ndërhyrje të gabuar në minutën e 64’.
Kështu Egnatia ngjitet në vendin e katërt me 31 pikë, po aq sa dhe Erzeni, ndërsa Vllaznia shkon 35 pikë duke qëndruar në vendin e tretë.
EGNATIA – VLLAZNIA 0-0:
