Milani ka fituar me përmbysje një ndeshje dramatike ndaj Torinos në çerekfinale të Kupës së Italisë duke triumfuar me rezultat 4-2 pas kohëve shtesë.
Vendasit shënuan të parët në minutën e 12-të me anë të Giacomo Bonaventuras, i cili u asistua nga Ante Rebic.

I asistuar nga Simone Verdi, Gleison Bremer e barazoi rezultatin (34’) dhe me shifra identike, skuadrat shkuan në pushim.
Në gjysmën e dytë, Bremer e shënoi edhe golin e dytë personal (71’) pas asistimit nga Ola Aina duke e përmbysur rezultatin.

Jo shumë minuta pasi u inkuadrua në lojë, Hakan Calhanoglu e barazoi rezultatin (82’), ndërsa Zlatan Ibrahimovic nuk shënoi nga dy shanse shumë të mira për ta vulosur kualifikimin në minutat shtesë.

Skuadrat i intensifikuan përpjekjet edhe gjatë vazhdimeve për ta fituar lojën, ndërsa sërish protagonist u tregua Hakan Calhanoglu (106’) për ta rikthyer epërsinë e Rossonerëve.

Dhe nuk mund të mungonte goli i Zlatan Ibrahimovic (109’) për të vulosur gjithçka. Ai u asistua në zonë nga Rafael Leao dhe e dërgoi topin në rrjetë.

Në gjysmëfinale të Coppa Italia, Milani do të luajë kundër Juventusit që e eliminoi Romën. Ndeshjet e para gjysmëfinale do të zhvillohen më 12 shkurt, kurse ato të kthimit më 4 mars.

MILAN-TORINO 4-2

12′ Bonaventura (M), 34′ e 71′ Bremer (T), 91′ e 106′ Calhanoglu (M), 108′ Ibrahimovic (M)

MILAN (4-4-2): Donnarumma; Conti, Kjaer, Romagnoli, Hernandez; Castillejo, Krunic (81′ Calhanoglu), Bennacer, Bonaventura (76′ Leao); Rebic (106′ Kessié), Piatek (65′ Ibrahimovic). Tr. Pioli

TORINO (3-4-2-1): Sirigu; Izzo, Nkoulou, Bremer (82′ Djidji); De Silvestri (112′ Laxalt), Lukic, Rincon (112′ Lyanco), Aina; Verdi, Berenguer (90′ Millico); Belotti. Tr. Mazzarri

Karton i verdhë: Rincon (T), Hernandez (M), Rebic (M), Kjaer (M), Krunic (M), Conti (M), Ibrahimovic (M)