Atletico Madrid ka shënuar fitore ndaj Elches me rezultat 1-0 në kuadër të javës së 34-të në La Liga.
Madrilenët e nisën më mirë ndeshjen duke krijuar dy raste të shpejta me Luis Suarez.
Në minutën e 23-të ishte Yannick Carrasco që asistoi te Marcos Llorente i cili shënoi për 1-0.
Suarez kishte rast të mirë edhe në pjesën e dytë, por nuk arriti të shënojë.
Krejt në fundin e ndeshjes Elche fitoi penallti pas lojës me dorë të Llorente.
Fidel gjuajti nga pika e bardhë, por që nuk arriti të shënojë, duke goditur shtyllën.
Atletico mbetet lider me 76 pikë, pesë më shumë se Real Madridi dhe Barcelona.