Milani ka fituar me rezultat të thellë 4-1 në shtëpi ndaj Torinos në ndeshjen e vlefshme për javën e dytë në Serie A.
Ekipi i Stefano Piolit ka fituar edhe ndeshjen e dytë në sezonin e ri të Serie A, duke mposhtur Torinon, pas fitores në javën e kaluar ndaj Bolognas.
Pjesa e parë e ndeshjes u karakterizua me dominim të Rossonerëve, të cilët përveç rasteve shënuan edhe tri gola, ndërsa mysafirët gjeten një herë rrjetën.
Goli i parë i ndeshjes erdhi në minutën e 33-të me anë të Christian Pulisic, i cili shënoi për 1-0, ndërsa Perr Schuurs (33’) barazoi shifrat në 1-1.
Në minutën e 43-të ishte Olivier Giroud, i cili shënoi nga penalltia për epersinë 2-1, teksa Theo Hernandez (45+) u përkujdes ta dërgoj ekipin e tij në pushim me rezultat 3-1.
Në pjesën e dytë, Milani përsëri ishte skuadër më e mirë duke menaxhuar lojën dhe duke shënuar edhe një gol tjetër për të vulosur fitoren.
Goli i vetëm në këtë pjesë erdhi në minutën e 65-të dhe ishte përsëri Giroud që nga penalltia shënoi për 4-1 dhe ky doli të ishte rezultati përfundimtar.
Në ndeshjen e ardhshme, Rossonerët udhëtojnë te Roma, ndërsa Torino e pret Genoan.
Roma ka pësuar humbje 2-1 në udhëtim te Verona në kuadër të javës së dytë në Serie A.
Pas vetëm katër minutash lojë, vendasit kaluan në epërsi me golin e Ondrej Duda.
Verona nuk u ndal me kaq dhe realizoi edhe të dytin me anë të Cyril Ngonge (45+3’).
Giallorossët shpërdoruan shumë raste në 45 minutat e parë, derisa në pjesën e dytë kishin paraqitje më kërkuese.
Houssem Aouar shënoi në minutën e 56-të, për 2-1 – duke i dhënë më shumë motiv skuadrës së tij për një rezultat, por që nuk ia dolën.
Jose Mourinho shpresoi që me disa ndryshime taktike të largohej nga ky takim me së paku një pikë, mirëpo Verona u mbajt mirë deri në fund.
Pas javës së dytë, Roma ka vetëm një pikë, ndërsa në xhiron e tretë do të zhvillojë derbin me Milanin.
