Leeds United është i kënaqur të njoftojë nënshkrimin e Weston McKennie (1998) në huazim deri në fund të sezonit 2022-2023 për 1 milion stërlina (1.2 milionë euro).
Mesfushori nga SHBA i bashkohet skuadrës angleze nga skuadra italiane e Serie A, Juventus, me të drejtën për një marrëveshje të përhershme në fund të sezonit për 29 milionë stërlina (33 milionë euro)të tjera.
Një ndërkombëtar i SHBA-së, me 41 ndeshje në emër të tij, McKennie luajti së bashku me dyshen e Leeds, Tyler Adams dhe Brenden Aaronson në Kupën e Botës FIFA 2022 në Katar, duke ndihmuar vendin e tij të arrijë në 16-shen e fundit.
MDuke kaluar në radhët e të rinjve me skuadrën e Major League Soccer FC Dallas, McKennie tërhoqi vëmendjen e FC Schalke 04 dhe u rrëmbye nga skuadra e Bundesligës në verën e 2016.
Ai vazhdoi të bënte gjithsej 91 paraqitje për skuadrën gjermane, përpara se të nënshkruhej nga Juventusi në formë huazimi për sezonin 2020/21, në fund të të cilit, marrëveshja u bë e përhershme.
Gjatë kohës së tij në Allianz Stadium, McKennie fitoi nderet e tij të para për klubin, duke ndihmuar Zonjën e Vjetër të fitonte në Supercoppa Italiana në 2020 dhe Coppa Italia në 2021.
Ai largohet nga Torino duke luajtur 96 herë, gjatë të cilave shënoi 13 gola dhe dha pesë asistime në të gjitha garat.
Ai bëhet nënshkrimi i tretë i Leeds në afatin kalimtar të janarit, pas ardhjeve të Geroginio Rutter dhe Max Wober.
McKennie i është dorëzuar fanella me numrin 28 dhe mund të bëjë debutimin e tij në ndeshjen e së dielës në Premier League kundër Nottingham Forest në City Ground.
“Tregu i transferimeve të dimrit lëviz aq shpejt sa kur dëgjova se mund të ndodhte, u bë. Premier League ka qenë gjithmonë një ëndërr për mua, e cila tani bëhet realitet. Unë jam gati dhe i lumtur, sepse këtu në Leeds ka shumë njerëz që njoh, duke filluar nga trajneri Jesse Marsch.” , – tha McKennie për Sky Sports UK nga stadiumi i tij i ri, Elland Road.
