Mesfushori Nedim Bajrami (199) do të vazhdojë karrierën te Sassuolo, si huazim me detyrim blerjeje nga Empoli.
Mesfushori sulmues i lindur në Zvicër por që luaj për Shqipërinë, luajti te Empoli për tri vite e gjysmë, ku zhvilloi 90 ndeshje dhe shënoi 12 gola.
“Nedim Bajrami (i lindur në ’99, mesfushor): vjen në formë huazimi me detyrim blerje nga Empoli FC”, ka shkruar shkurt Sassuolo në faqen zyrtare.
Bajrami karrierën e ka nisur te Grasshoppers ku luajti deri në vitin 2020 për të kaluar në Itali.
Ai është pjesë e Kombëtares së Shqipërisë, ku ka zhvilluar 10 ndeshje deri më tani.
Shqiptari do të bashkohet me trajnerin Alessio Dionisi që e kishte pikërisht tek Empoli vite më parë dhe tregoi formë të lartë.
