Angola ka shënuar fitore ndaj Namibisë me rezultat 3-0 për të zënë një vend në çerekfinale të Kupës së Kombeve të Afrikës.

Pjesa e parë solli dy gola dhe kartonë të kuq, duke qenë mjaftë atraktive.

Në anën tjetër, Prins Tjiueza, futbollisti që deri dje ishte pjesë e Lirisë së Prizrenit, lëshoi fushën në minutën e 23-të për shkak të një dëmtimi.

Edhe pse me një lojtar më pak, Angola arriti të shënojë golin e epërsisë në minutën e 38-të me Gelson Dala për 1-0.

Pas dy minutash forca në terren u barazuan, pasi edhe Namibia mori një katron të kuq.

Gelson Dala arriti të shënojë sërish në minutën e 42-të, për ta dërguar rezultatin në 2-0.

Në mesin e pjesës së dytë, Angona gjeti edhe njëherë rrjetën, ku kësaj radhe Dala ishte asistues te Mabululu që shënoi për 3-0.

Nigeria ka fituar me rezultat 2-0 ndaj Kamerunit për të ‘prerë’ biletën për në çerekfinale të Kupës së Kombeve të Afrikës.

Nigerianët gjetën golin e avantazhit në minutën e nëntë me anë të Semi Ajay, mirëpo pas rishikimit nga sistemi VAR, gjyqtari i ndeshje e anuloi atë për pozitë jashtë loje.

Sidoqoftë kjo nuk bëri që Nigeria të humbasë motivimin në këtë sfidë, pasi ata më vonë e gjetën golin e avantazhit dhe atë që në fund doli të ishte i vlefshëm për kualifikim.

Victor Osimhen (36’) bëri një pasim mjaft të mençur brenda zonës të cilin e shfrytëzoi për mrekulli Ademola Lookman që shënoi për 1-0.

Në pjesën e dytë Nigeria arriti të gjejë edhe një herë tjetër golin, duke eliminuar kështu Kamerunin nga Kupa e Kombeve të Afrikës.

Ishte përsëri Ademola Lookman (91’) i cili shënoi për 2-0 duke i dhënë fund përfundimisht shpresave të Kamerunit.

Në çerekfinale tani Nigeria do të ketë punë me Angolën, e cila të shtunën siguroi po ashtu kualifikimin pas fitores me rezultat të pastër 3-0 ndaj Namibisë.