Real Madridi ka arritur ta mposhtë Elchen pas kohës shtesë në kuadër të Kupës së Mbretit me rezultat 2-1.

Ndeshja prodhoi pak në pjesën e parë pasi dy skuadrat nuk rrezikuan edhe aq shumë.

Rastin më të mirë në pjesën e parë e kishte Josan i Elches, por nuk ishte i saktë.

Në pjesën e dytë Real Madridi tentoi të rrezikojë më shumë.

I pari ishte Casemiro që kishte rast të mirë, por që nuk arriti të shënojë pasi portieri Axel Werner ishte në vend.

Pas tij rrezikoi edhe Vinicus Junior në minutën e 77-të, por pa sukses.

Deri në fund të kohës së rregullt nuk kishte gola dhe skuadrat shkuan në vazhdime.

Në vazhdime gjithçka nisi keq për Real Madridin që mbetën me 10 lojtarë, kur Marcelo u largua me karton të kuq.

Në minutën e 103-të, Gonzalo Verdu i Elche arriti të shënojë për 1-0.

Por në vazhdimin e dytë iu kujtua Real Madridit se kush janë, duke filluar sulmin me dhjetë lojtarë.

Dani Ceballos gjuan në portë dhe topi devijohet nga Isco për të shënuar për 1-1.

Në minutën e 115-të, Real Madridi shënoi goli e epërsisë, kur Eden Hazard kaloi portierin për të shënuar për 2-1.

Me këtë fitore Real Madrid kalon në çerekfinale me këtë fitore të vështirë.