Tani u arrit marrëveshja, Arthur (1996) ka pranuar përfundimisht Juventusin. Mesfushori brazilian, i cili në fillim nuk donte të largohej nga Barcelona, e kuptoi që e ardhmja e tij do të jetë larg Spanjës dhe i tha po bardhezinjve.
Operacioni, i cili duhej të mbyllej deri më 30 qershor për shkak të shqetësimeve buxhetore, tani është afër përfundimit të tij. Detajet përfundimtare të taksave, sigurimeve dhe ligjeve mbeten te profesionistë të ndryshëm që janë duke punuar për të përcaktuar këtë shkëmbim të parë pas koronavirusit.
Sa i përket marrëveshjes midis klubeve për vlerën e dy teserave, Pjanic (1990) ishte vlerësuar në 60 milion euro; ndërsa ajo e brazilianit 70 milion euro plus bonuse. Juventus, sipas kërkesave të tanishme të Barcelonës, duhet të shtojë 10 milion euro plus 5 milionë euro bonuse si rregullim.
Do të nënshkruhet një kontratë paraprake, me të dy lojtarët që përfundojnë sezonin në klubet e tyre përkatëse.
