Holandezi Ryan Gravenberch (2002) është njëri nga mesfushorët më të talentuar në Evropë.
Mesfushori shtatlartë (191 cm) ka shkëlqyer edicionin e kaluar dhe në këtë aktualin me Ajaxin, duke zgjuar interesimin e skuadrave të mëdha.
Edhe pse në moshë të re, Gravenberch po luan liderin tek gjiganti holandez dhe vlera e tij sa shkon e rritet.
Barcelona e ka bërë prioritet transferimin e tij në janar dhe për këtë ka raportuar gazetari, Nicolo Schira.
Katalunasit kanë raporte të shkëlqyeshme me Ajaxin dhe do të futën në bisedime për transferimin e talentit të madh holandez.
Por problemi i katalunasve është se ata nuk kanë shumë para në dispozicion për të shpenzuar për transferime, prandaj do të tentojnë afrimin e Gravenberch si huazim me detyrim blerje në verën e vitit 2022.
Vlen të theksohet se interesim për 19-vjeçarin kanë shprehur edhe skuadra tjera të mëdha si Juventus, Milan, Roma, Arsenal dhe Liverpool.
Vlera momente e Gravenberch në tregun e transferimeve sillet rreth 35 milionë euro.
19-vjeçari këtë edicion ka zhvilluar 13 ndeshje me Ajaxin, ku ka shënuar një gol dhe ka asistuar në një tjetër.
