Bayern Munich ka fituar 5-2 ndaj Mainzit në kuadër të javës së 14-të në Bundesliga.

Pas 32 minutash lojë në Allianz Arena, mysafirët kaluan në epërsi me anë të Jonathan Burkardt.

Por, Mainzi nuk u ndal me kaq dhe arriti të dyfishonte epërsinë me golin e realizuar nga Alexander Hack (44′).

Pjesa e dytë kishte një skenar tjetër, me kampionin në fuqi që realizoi plotë pesë gola, për të përmbysur rezultatin.

Ishte minuta e 50-të kur Robert Lewandowski dha asist për Joshua Kimmichin që shënoi një gol të bukur.

Pesë minuta më vonë, gjermani dha asist për Leroy Sanen, për t’i barazuar shifrat në 2-2.

Ishte minuta e 70-të kur Niklas Sule i përmbysi shifrat në 3-2, duke i dhënë skuadrës së tij avantazhin.

Gjashtë minuta kaluan nga goli i tretë dhe Bayerni fitoi një penallti të cilën në gol e konvertoi sulmuesi polak për rezultatin 4-2.

Lewandowski nuk u ndal me kaq dhe shënoi edhe golin e tij të dytë personal në minutën e 83-të me një asist nga Thomas Muller.

Pas javës së 14-të, Bayerni vazhdon të jetë lider me 33 pikë, derisa në xhiron e 15-të takohet me Monchegladbachun.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu