Inter ka fituar me rezultat 2-1 ndaj Red Bull Salzburg, ndeshje kjo e vlefshme për grupin D në Ligën e Kampionëve.

Vendasit kaluan në avantazh që në minutën e 19-të të takimit përmes Alexis Sanchez, i cili pranoi një pasim të bukur nga Davide Frattesi dhe në një situatë një për një me portierin u tregua i pagabueshëm për rezultatin 1-0.

Pas këtij goli të Sanchez nuk pati më raste të mira shënimi në pjesën e parë dhe rezultati mbeti i pandryshuar.

Mysafirët ia dolën të barazojnë shifrat në 1-1, kur në minutën e 57-të talenti izraelit Oscar Gloukh shënon pas një asistimi të Maurits Kjaergaard për të rihapur edhe një herë tjetër sfidën.

Nuk vonoi shumë reagimi i Interit dhe ata morën përsëri avantazhin kur në minutën e 61-të Gourna-Douath bën një ndërhyrje të palejueshme brenda zonës dhe nga penalltia Calhanoglu çon topin në cepin e majtë të portës së Schlager për rezultatin 2-1.

Deri në fund “Nerazzurrët” arritën të shënojnë edhe një herë tjetër në minutën e 81-të me Lautaron, por goli i tij u anulua për shkak të pozicionit jashtë loje.

Pas kësaj fitoreje Interi i afrohet edhe më shumë kualifikimit në fazën tjetër, teksa momentalisht është lider i grupit me shtatë pikë, tri më shumë se Sociedadi që luan ndeshjen e saj me fillim nga ora 21:00.

Bayern Munich ka fituar me rezultat komod 3-1 në udhëtim te Galataaray në kuadër të Grupit A të Ligës së Kampionëve.

Pas vetëm tetë minutash lojë, Bavarezët kaluan në epërsi me anë të Kingsley Coman, që u asistua prej Leroy Sane.

Por, Galatasaray i barazoi shifrat në 1-1 në minutën e 30-të, kur Mauro Icardi e mposhti portierin mysafir nga penalltia në stilin panenka.

Me këto dy gola edhe përfundoi pjesa e parë, derisa vendasit ishin shumë më të organizuar.

Pjesa e dytë nisi me dominim nga Galatatasaray, mirëpo ishin mysafirët që shënuan dy gola.

Harry Kane e riktheu epërsinë për Bayernin në minutën e 73-të, kur u asistua prej Jamal Musialas.

Gjashtë minuta më vonë, sulmuesi anglez ia ktheu favorin Musialas, për rezultatin 3-1.

Pas xhiros së tretë, Bayerni është lider me nëntë pikë, Galatasaray me katër, Copenhagen me një dhe Manchester United ende pa asnjë, por që ka mundësi sonte t’i marrë pikët e para nëse fiton ndaj skuadrës daneze.