Kombëtarja e Belgjikës, Francës, Italisë dhe Spanjës do të garojnë në edicionin e dytë të finaleve të Ligës së Kombeve UEFA.

Të mërkurën mbrëma janë mësuar emrat e katër finalistëve të edicionit të dytë të Ligës së Kombeve, me katër kombëtare të forta që kanë fituar grupet e Ligës A.

Grupi 1 u fitua nga Italia, pasi Azurrët mbyllen grupin me 12 pikë apo një më shumë se Holanda e dytë, ndërsa në vend të tretë dhe katërt përfunduan Polonia dhe Bosnje dhe Hercegovina.

Në Grupin 2 fitues ishte Belgjika me 15 pikë, duke lënë pas vetes Danimarkën dhe Anglinë me nga dhjetë pikë dhe Islandën në vend të katërt me zero pikë.

Grupi 3 u fitua nga Franca me 16 pikë, ndërsa pas tyre përfundoi Portugalia me dyta me 13 pikë dhe Kroacia e Suedia me nga tri pikë në pozitat tre dhe katër.

Grupi 4 apo i fundit i Ligës A u fitua nga Spanja me 11 pikë, duke lënë pas Gjermaninë me nëntë pikë, Ukrainën me 6 pikë dhe Zvicrën me 3 pikë në vendin e katërt.

Në parim, fituesi i Grupit A1 (Italia) do të emërohet si nikoqir i finales. Emërimi zyrtar i nikoqirit do të konfirmohet në takimin e Komitetit Ekzekutiv të UEFA-s më 3 dhjetor, pasuar nga shorti i çifteve gjysmëfinale dhe finale.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu