Fanella e dytë apo ajo që njihet si fanella mysafire është publikuar tashmë nga Juventusi dhe kompania Adidas për sezonin 2021-2022.

Klubet evropiane vazhdojnë të publikojnë fanellat e reja para nisjes së sezonit të ri dhe një gjë të tillë e ka bërë Juventusi me fanellën e dytë.

Kompleti i ri i njohur si i ndeshjeve mysafire është publikuar sot nga Juventusi dhe është krejt i zi me logo të bardha në pjesën e përparme.

Ajo përfshin tre vija klasike të Adidasit në shpatulla, të cilat shfaqin një zbehje nga portokalli në rozë dhe të zezë.

Pantallonat e shkurtra dhe çorapet janë gjithashtu me ngjyrë të zezë me tre vija.

Fanella do të jetë në dispozicion në dyqane nga nesër (e premte), 23 korrik.