Kastrioti dhe Tirana janë ndalur në një barazim 1-1 në stadiumin e qytetit të Kamzës, e vlefshme për javën e tretë të Kategorisë Superiore.

Sfida u zhbllokua në minutën e 41′ me skuadrën krutane e cila fitoi një 11-metërsh pas prekjes me dorë në zonë nga Hoxhallari dhe Kastrioti kaloi në avantazh falë Karakacit i cili humbi fillimisht penalltinë, por u tregua i saktë menjëherë me kokë.

Pjesa e dytë nisi furishëm për skuadrën e Tiranës e cila i bëri presing të madh që në fillim kundërshtarit dhe ishte Taulant Seferi ai që realizoi me kokë dhe duke barazuar shifrat nga goditja e këndit në minutën e 49′.

Ky ishte barazimi i dytë për Tiranën pas asaj ndaj Egnatias dhe renditet në vendin e dytë me 5 pikë, ndërsa Kastrioti merr pikën e pare në këtë edicion të Kategorisë Superiore dhe renditet në vendin e fundit të tabelës së klasifikimit.

KASTRIOTI – TIRANA 1-1:
Karakaçi 41′ / Seferi 49′

Është mbyllur në barazim pa gola, supersfida e zhvilluar në “Arena Egnatia” të Rrogozhinës mes Teutës dhe Dinamos, sfidë kjo e vlefshme për javën e tretë të Kategorisë Superiore.

Një duel i ekuilibruar, ku të dyja skuadrat provuan ta fitonin ndeshjen, por pa mundur të gjejnë rrugën e rrjetës.

Me këtë barazim, të dyja skuadrat ndajnë të njëjtën kuotë pikës, nga 5 secila. Në sfidën e radhës, Dinamo do të ndeshet e Partizanin, në derbin e kryeqytetit, ndërkohë që Teuta do të jetë mysfaire ndaj Kukësit.

TEUTA-DINAMO 0-0