Barcelona ka arritur të sigurojë një pikë të artë në barazimin 1-1 ndaj Granadas në Camp Nou, derisa në pjesën më të madhe të takimit ishte në disavantazh.

Mjaftuan dy minuta lojë dhe Domingos Duarte shfrytëzoi asistin nga Sergio Escudero që të shënonte me kokë nga afërsia.

Sergi Roberto e Ronald Araujo patën mundësitë tyre gjatë fraksionit të parë, derisa edhe për mysafirët rrezikoi Monchu.

Katalunasit vazhduan me përpjekjen për të shënuar përmes Araujo, Memphis Depay e Luuk de Jong, që nuk arrinin ta fusnin topin në rrjetë.

Në minutën e fundit të kohës së rregullt, Ronald Araujo ia doli ta barazonte rezultatin me një gol të shënuar me kokë (90′) pas asistit të Pablo Gaviras.

Pas katër ndeshjeve të zhvilluara, Barcelona numëron tetë pikë, nga dy fitore dhe dy barazime.

Për Granadan ky ishte barazimi i tretë, ndërsa ka regjistruar edhe dy humbje dhe numëron tri pikë.