Shqipëria ka shkëlqyer në “Air Albania” ndaj Bjellorusisë në kuadër të Ligës së Kombeve, duke fituar me rezultat 3-2.

Goli i parë erdhi në minutën e 19-të kur një harkim i Hysen Memollës gjeti Sokol Cikalleshin i cili godet bukur me kokë dhe shënon për 1-0.

Por nuk vonoi shumë dhe erdhi edhe goli i dytë. Rey Manaj u pengua në zonë nga portieri, ndërsa gjyqtari akordoi penallti.

Nga pika e bardhë doli të jetë i saktë Sokol Cikalleshi për 2-0.

Bjellorusët ngushtuan rezultatin në minutën e 35-të me Maksim Skavysh.

Por Shqipëria nuk u dorëzua dhe shënoi edhe golin e tretë me Rey Manajn 44’.

Pjesa e dytë kishte shumë emocione por Biellorusia shënoi vetëm një gol me Ebong 80’.

Shqipëria me këtë fitore është e para në grup dhe kalon vitin tjetër në Ligën B.