Uellsi po shqyrton ndryshimin e emrit pas Kupës së Botës dhe tashmë ka zhvilluar diskutime me UEFA-n.

Skuadra e Rob Page po merr pjesë në truneun e madh të futbollit për herë të parë në 64 vjet pas kualifikimit në play-off.

Ata mundën Austrinë në gjysmëfinale me një dyshe të shkëlqyer nga kapiteni i tyre Gareth Bale dhe më pas bënë përfunduan kualifikimin kundër Ukrainës në Cardiff në qershor.

Paraqitja e fundit e Uellsit në finalet e Kupës së Botës ishte në vitin 1958 në Suedi dhe ata janë vendosur në Grupin B së bashku me Anglinë, Iranin dhe Shtetet e Bashkuara.

Por, mund të jetë hera e fundit që i shohim në formën e tyre aktuale në skenën ndërkombëtare. Sipas Press Association dhe Daily Mail, Uellsi po shqyrton mundësinë që të quhet ‘Cymru’.

Cymru është emri Uells i përdorur gjerësisht në vend dhe në selinë e tyre të futbollit, por Uells është emri i përdorur nga pjesa tjetër e botës.

Një vendim nuk do të merret pa u konsultuar me figurat kryesore, por janë zhvilluar diskutime të relaksuara dhe joformale me UEFA-n mbi ndryshimin.

“Ekipi duhet të quhet gjithmonë Cymru, kështu e quajmë ne këtu. Pikëpamja jonë për momentin është se brenda vendit ne quhemi qartë Cymru. Kështu i quajmë ekipet tona kombëtare. Nëse shikoni faqen tonë të internetit, si flasim për veten tonë, ne jemi Cymru. Në aspektin ndërkombëtar kemi pak më shumë punë për të bërë akoma. Kështu që ne do të shkojmë në këtë Kupë Bote si Uell. Por, unë mendoj se viti 2023 do të jetë një vit kur ne do të kemi një diskutim të mirë me të gjithë akterët e ndryshëm,  qofshin ato qeveritë, bordet tona, këshillat dhe organet vendimmarrëse, stafi, klubi dhe lojtarët”, – deklaroi shefi ekzekutiv i FAW, Noel Mooney.

Alfabetikisht, Uellsi është kombi i fundit nga 55 anëtarët e shoqatës së UEFA-s dhe kjo sigurisht që do të ndryshonte në mënyrë drastike nëse ata kalonin në Cymru. Nëse do të kalojë, ata do të ndiqnin precedentin e krijuar nga Turqia, e cila tani po quhet ‘Turkiye’ dhe është në grupin kualifikues të Euro 2024 të Uellsit.