Arsenali ka fituar 3-0 kundër Newcastle Unitedit në kuadër të javës së 19-të në Ligën Premier.
Pjesa e parë përfundoi pa gola, mirëpo që të dyja skuadrat kishin shanse të mira shënimi.
Në 45 minutat e dytë, skuadra që drejtohet nga Mikel Arteta ishte më kërkuese dhe luante me një ritëm më të lartë.
Ishte minuta e 50-të kur Pierre-Emerick Aubameyang pranoi një asist nga Thomas Partey, për të realizuar për 1-0.
Pas vetëm 11-të minutash lojë nga goli i parë, The Gunners shënuan edhe të dytin me anë të Bukayo Saka që pranoi një pasim mjaft të mirë nga Emilie Smith Rowe.
Skuadra londineze nuk u ndal me kaq, pasi sulmuesi gabonez Aubameyang e trefishoi epërsinë e tyre në minutën e 77-të me një asistim nga Cedric Soares.
Arsenali është aktualisht në vendin e 10-të me 27 pikë, derisa në xhiron e 20-të do të takohen me Southamptonin.
