Spezia e ka mposhtur Milanin në kuadër të javës së 22-të në Serie A, me rezultat 2-1 në San Siro.

Rossonerët e filluan mjaftë mirë takimin, duke rrezikuar qysh në minutat e parë.

Por, në minutën e 45-të, vendasit fituan një penallti, të cilën në gol dështoi ta konvertonte Theo Hernandez në minutën e 45-të.

Por, Rafael Leao nuk gaboi të shënonte pas vetëm një minute, për të kaluar Milanin në epërsi.

45 minutat e dytë ishin më të dobët nga Rossonerët, pasi mysafirët ia dolën t’i barazonin shifrat, por edhe të merrnin fitoren.

Në minutën e 64-të, Kevin Agudelo pranoi një asistim nga Domenico Verde, për të shënuar për 1-1.

Deri në fund, Milani u tronditë edhe një herë, pasi Spezia i përmbysi shifrat në minutën e 90+6 me golin e realizuar nga Emmanuel Gyasi.

Pas javës së 22-të, Milani gjendet në vendin e dytë me 48 pikë, dy më pak se lideri, Interi.

Napoli mposht Bolonjan 2-0 dhe konsolidon vendin e tretë me 46 pikë në renditje pas milanezëve.

Te Dall’Ara, djemtë e Spallettit nisen me këmbën e mbarë dhe e zhbllokojnë pas 20′ me goditjen e Lozanos në një asistim të Elmasit.

Për ta mbyllur ndeshjen në fillim të pjesës së dytë është përsëri Lozano 47’, këtë herë i shërbyer nga Fabian Ruiz.

Rikthimin e Osimhenit e feston edhe Spalletti, ndërsa Mihajlovic shënon humbjen e pestë në gjashtë ndeshjet e fundit.