Drejtoresha e Newcastle United ka folur gjerë për The Telegraph ku ka sqaruar disa objektiva të saj për të ardhmen dhe disa pëpjekje për të blerë klube të tjera evropiane më përpara.
Amanda Staveley shpreson se ndalimi i përkohshëm i marrëveshjeve të sponsorizimit të lidhura me pronarët do të përfundojë brenda dy javësh dhe po “pret me padurim” të heqë markën Sports Direct të lidhur me ish-pronarin jopopullor Mike Ashley.
“Ky moratorium ishte shumë i vështirë për ne. Ne kemi marrë vërtet një goditje të madhe. Dhe kështu unë shpresoj se do ta rregullojmë këtë sa më shpejt që të jetë e mundur, Dhe më pas do të hiqet sinjalistika (Sport) Direct. Me Sports Direct, që mezi pres që të largohet.
Është e vështirë sepse Majk ishte shumë i drejtë, ai bëri një marrëveshje të mirë. Ai ishte i drejtë me mua, unë këmbëngulja te ai për vite me radhë.”
Staveley thotë se koha është thelbësore për të nënshkruar marrëveshje të reja tregtare.
“Ne po punojmë për (rregullat e reja) tani, shpresojmë që moratoriumi të përfundojë.
Ne do të duhet të marrim këshilla se sa do të zgjasë ai proces sepse nuk është në kontrollin tonë, është në kontrollin e Premier League, por ne do të kërkojmë të bëjmë marrëveshje sponsorizimi sa më shpejt që të jetë e mundur.
Unë gjithashtu kam shumë respekt për Premier League. Mendoj se kemi ligën më të madhe në botë dhe besoj në fuqinë kolektive të asaj lige.”
Staveley zbuloi se përpara se të merrte drejtimin e Newcastle, kishte pasur interes nga Fondi i Investimeve Publike Saudite për të blerë klube të tjera evropiane.
“Me Fondin Publik të Investimeve të Arabisë Saudite folëm me Interin dhe me Milanin. Por problemi ishte struktura e kampionatit të Serisë A. Është e shkatërruar. Ne shikuam shkurtimisht edhe Bordeaux-in. Nuk e ndjekim më Interin“.
Staveley gjithashtu ka deklaruar se trajnerit të ri Eddie Howe do t’i jepen fonde të konsiderueshme për të rritur skuadrën e tij të Newcastle në sezonin e transferimeve të janarit.
“Nuk është një sezon në të cilën do të donim zakonisht të investonim, sepse ndoshta nuk merren marrëveshjet e duhura, por kjo është diçka që është e rëndësishme për momentin,” tha ajo.
