Mbrojtësi brazilian Roger Ibanez (1998) i është bashkuar Al-Ahli nga AS Roma për 28.5 milionë euro.
Futbollisti dje ka nënshkruar një marrëveshje katërvjeçare, deri më 30 qershor 2027 me pagë neto 9 milionë euro në sezon me skuadrën Saudite të Pro League.
Ibanez iu bashkua Romës nga Atlanta në një marrëveshje të përhershme në 2021. Ai shënoi tre gola në 48 ndeshje për ekipin e Jose Mourinhos sezonin e kaluar.
“Mirë se erdhe në Al-Ahli, Roger!” Al-Ahli postoi në platformën e mesazheve X, e njohur më parë si Twitter.
Al-Ahli ka emëruar Matthias Jaissle si trajner në një marrëveshje trevjeçare, pasi Red Bull Salzburg shkarkoi trajnerin gjerman.
Ibanez bëhet shtimi i fundit i Al-Ahli, i cili u rikthye në Pro Ligë pas një sezoni në divizionin e dytë, pas Riyad Mahrez, Roberto Firmino, portierit Edouard Mendy, Alain Saint-Maximin dhe Franck Kessie.
Fondi i Investimeve Publike të Arabisë Saudite (PIF) ka shpallur një Projekt të Investimeve dhe Privatizimit të Klubeve Sportive që përfshin kampionët e ligës Al-Ittihad, Al-Ahli, Al-Nassr dhe Al-Hilal.
PIF zotëron 75 për qind të secilit prej katër klubeve, ndërsa fondacionet e tyre përkatëse jofitimprurëse zotërojnë 25 për qind të secilit.
