Southamptoni ka njoftuar se ka arritur marrëveshje me Chelsean për huazimin e Armando Brojës (2001).

Sulmuesi shqiptar megjithëse atë nuk ia doli të mbetej te The Blues, por që do të ketë shansin që të dëshmojë vetën në Ligën Premier.

Përmes një njoftimi për media, Southamptoni bëri të ditur se reprezentuesi i Shqipërisë do të jetë pjesë e tyre për një edicion.

Klubi i Futbollit Southampton ka përfunduar një marrëveshje huazimi një sezon për sulmuesin e Chelseat, Armando Broja. Sulmuesi 19-vjeçar arrin nga Stamford Bridge për t’u bashkuar me skuadrën e Ralph Hasenhüttl përpara edicionit 2021/22. Broja ndjek gjurmët e ish-shokut të tij te Chelsea, Tino Livramento, për t’u transferuar në St Mary’s këtë verë, duke përfaqësuar një tjetër nga talentet më të shquar të shfaqur nga akademia e kampionëve evropianë”, thuhet në njoftim.