Roma ka arritur një marrëveshje për sulmuesin e Genoas, Eldor Shomurodov (1995). Klubi romak bëri njoftimin zyrtar të mëposhtëm për reprezentuesin e Uzbekistanit:
Shomurodov, 26 vjeç, i bashkohet AS Roma në një marrëveshje të përhershme për një tarifë fillestare prej 17.5 milion eurosh, plus 2.5 milionë euro që mund të jenë bonuse.
Marrëveshja, e cila përfshin një numër klauzolash të lidhura me performancën, Genoa ka siguruar një tarifë rishitje prej 10%, ndërsa FK Rostov merr 1.5 milionë euro të tjera nga rishitja në Romë.
Sulmuesi nga Uzbekistani ka nënshkruar një kontratë pesëvjeçare me klubin që zgjat deri më 30 qershor 2026 dhe do të veshë fanellën me numrin 14 për Giallorossët.
“Eldor është një sulmues me potencial të madh për t’u zhvilluar edhe më tej dhe ai është i uritur të provojë veten në Romë, në një ligë që ai tashmë e njeh mirë. Së bashku me atë dëshirë, cilësitë e tij si lojtar gjithashtu përshtaten mirë me mënyrën se si dëshiron të luajë trajneri ynë dhe për këtë arsye ne jemi të kënaqur që jemi në gjendje ta mirëpresim atë në klub.“, – tha Tiago Pinto, Drejtori i Përgjithshëm i klubit.
“Bashkimi me Romën paraqet një hap të madh përpara në karrierën time. Do të bëj gjithçka që mundem për të treguar se e meritoj këtë mundësi dhe për të demonstruar atë që mund të bëj në një nga klubet më të mëdhenj në botë. Shpejtësia me të cilën u arrit kjo marrëveshje është dëshmi e dëshirës sime për të qenë në gjendje të bashkohem me trajnerin dhe shokët e mi të rinj të skuadrës dhe të filloj punën sa më shpejt të jetë e mundur.“, – tha Shomurodov.
