Sandro Tonali (2000) është zyrtarisht një lojtar i ri i Milanit pasi ka nënshkruar kontratën pesë-vjeçare dhe do të veshë fanellën me Numrin 8.
Mesfushori bëri lëvizjen nga Brescia, si huazim për 10 milionë euro me opsion blerje për 10 milionë euro tjera, plus deri në 15 milionë euro bonuse dhe prej 10% të çdo shitje në të ardhmen.
Ai kishte qenë shumë afër bashkimit me Interin për kushte të ngjashme, por pasi Nerazzurrët u përqendruan në objektiva të tjerë, Milani hyri me ofertën e tyre.
Tonali është një mbështetës i përjetshëm i Rossonerëve, kështu që Presidenti i Brescia Massimo Cellino siguroi se ishte një zgjedhje e lehtë për 20-vjeçarin për të bërë.
Kishte raporte që ai e thirri Gennaro Gattuso personalisht për të pyetur nëse ai mund të trashëgonte fanellën e tij me numrin 8.
“Ne jemi të lumtur ta mirëpresim Sandron në familjen Rossoneri. Jemi të bindur që ai mund të japë një kontribut të rëndësishëm për të ndërtuar një të ardhme të suksesshme së bashku. Ai është një mesfushor me perspektiv të mëdhe që do të dijë të interpretojë vlerat e klubit tonë”, ka thënë drejtori teknik Paolo Maldini.
