Mesfushori serb Nemanja Matic (1988)ka luajtur rol kyc në skuadrën e Ole Gunnar Solskjaer në ecurinë e saj aktuale pa humbje dhe është shpërblyer për formën e lartë me kontratë të re. Kishte dyshime rreth të ardhmes së Matic në Old Trafford në fillim të sezonit, pasi ai haste në vështirësi për ta ruajtur vendin në formacionin titullar pas një fillimi të dobët të sezonit. Klubi e ushtroi të drejtën për t’i vazhduar atë kontratë për edhe 1 vit në mars dhe tani ia ka zgjatur atë për edhe 3 vite të tjera, e cila do ta mbajë atë në klub deri në verën e vitit 2023.
“Jam shumë i lumtur që do të vazhdoj të jem pjesë e këtij klubi të shkëlqyeshëm. Si lojtar, unë kam akoma shumë më tepër për të dhënë dhe arritur në karrierën time dhe ta bëj atë me Manchester United do të jetë një nder i madh. Ky është një ekip me të vërtetë emocionues për të qenë pjesë, ne kemi një ekuilibër të mirë të rinisë dhe përvojës brenda skuadrës dhe ka një miqësi të madhe midis grupit. Kjo është një pjesë kryesore e sezonit dhe ne po luajmë mirë. Ne do të vazhdojmë të luftojmë për ta përfunduar sezonin në lartësi dhe t’i bëjmë krenarë mbështetësit tanë të mahnitshëm.” tha Matic në faqen e internetit të klubit.
Solskjaer shtoi: “Jam i kënaqur që Nemanja ka nënshkruar një kontratë të re, e di se përvoja e tij, profesionalizmi dhe udhëheqja do të jenë të paçmueshme për këtë grup të ri të talentuar. Ne kemi forcë të madhe në mesfushë dhe atributet e Nemanja janë një pjesë kryesore e kësaj. Nemanja ka qenë këtu për tre sezone tani dhe me të vërtetë i kupton vlerat e lojës për Manchester United. Ai mbetet jashtëzakonisht ambicioz dhe i vendosur i cili do të jetë jetik teksa kërkojmë të arrijmë qëllimet tona gjatë viteve në vijim.”
Matic ka qenë një figurë kryesore në formën mbresëlënëse të United që nga rifillimi i Premier League, duke dalë nga pankina kundër Tottenham para se të fillojë në secilën nga tre fitoret e fundit të ligës. Ai u bashkua me United nga Chelsea në 2017 për 4 milionë euro pasi ndenji 3 vjet e gjysmë në Stamford Bridge. Matiç ka luajtur 114 herë për Manchester United, duke shënuar 4 gola.
