Liverpool ka mbyllur marrëveshjen për transferimin e Thiago Alcantaras (1991) nga Bayern Munich për 30 milionë euro.
Mesfushori spanjoll ka hedhur nënshkrimin e tij në një kontratë afatgjatë me “The Reds” dhe do të mbajë fanellën me numër 6.
Thiago kalon në “Anfield” nga një sukses i jashtëzakonshëm me Bayernin, ku fitoi 3 trofe në edicionin që sapo lamë pas, pasi ata fituan Bundesligën, Kupën gjermane dhe Ligën e Kampionëve. Ai në këtë edicion legjendar u paraqit 40 herë.
29-vjeçari, i cili gjithashtu ka 39 paraqitje për Spanjën, kaloi 7 sezone në “Allianz Arena”, që prej kur u transferua nga Barcelona, klub ku filloi karrierën.
Në total, Thiago ka fituar 9 tituj kampioni shtetesh, 2 Liga të Kampionëve dhe 2 Kupa Botërore të Klubeve.
“Është një ndjenjë e mahnitshme. E kam pritur për shumë kohë këtë moment dhe jam shumë, shumë i lumtur që jam këtu. Kur vitet kalojnë, ju përpiqeni të fitoni sa më shumë që të mundeni, dhe kur të fitoni, doni të fitoni më shumë. Unë mendoj se ky klub përshkruan atë që unë jam; Unë dua të arrij të gjitha qëllimet, të fitoj sa më shumë trofe të jetë e mundur. Unë duhet t’i përshtatem ekipit sa më shpejt që të mundem në situatën dhe moment që po jetojmë tani.
Unë do ta ndihmoj ekipin në mbrojte dhe sulm dhe gjithashtu në aspektin mendor. Tifozët nuk janë më të ngazëllyer se unë, ju siguroj. Nuk e them veç me fjalë, do ta tregoj edhe në fushë. Do ta lë zemrën në fushë për bashkëlojtarët, klubin dhe tifozët”, ishin fjalët e para të Alcantaras si lojtar i Liverpoolit.
