UEFA ka publikuar formacionin me lojtarët që kanë shkëlqyer gjatë Kampionatit Evropian Euro 2020 që filloi nga 11 qershor, përfundoi më 11 korrik me Italinë që arriti të shpallej kampion.

Azzurët e fituan trofeun për herë të dytë në histori, derisa mposhtën Anglinë përmes penalltive, pasi koha e rregullt dhe vazhdimit kishin përfunduar 1-1.

Tani, shtëpia më e madhe e futbollit evropian ka publikuar formacionin me lojtarët më të mirë, në skemën 4-3-3:

Në portë është Gianluigi Donnarumma i Italisë që po ashtu u shpall edhe lojtari më i mirë i turneut.

Para tij janë të vendosur katërshja, Kyle Walker, Leonardo Bonucci, Harry Maguire dhe Leonardo Spinazzola.

Mesfusha përbëhet nga treshja, Pierre-Emile Hojbjerg, Jorginho dhe Pedri.

Derisa, në sulm po ashtu është një treshe si, Federico Chiesa, Romelu Lukaku dhe Raheem Sterling.