Sulmuesi Diego Costa (1988) rikthehet në futbollin evropian pas një viti e gjysmë mungesë.
Sulmuesi i lindur në Brazil, por që luajti për përfaqësuesen e Spanjës, karrierën do ta vazhdoj tek skuadra angleze Wolverhampton Wanderers, pasi që nga janari ishte pa klub.
Costa ka nënshkruar një kontratë një vjeçare me klubin anglez, që i kanë bërë një prezantim unik.
33-vjeçari në prezantimin e tij shihet duke i mbajtur të lidhur tre ujq në zinxhirë, pasi klubi anglez ka nofkën ‘Ujqërit’.
“Ne jemi absolutisht të kënaqur të mirëpresim Diego Costa në Wolves dhe të kthehet në Premier League. Një fitues serial me një përvojë të pasur në nivelin më të lartë, Diego do të sjellë diçka unike në dhomën tonë të zhveshjes dhe në fushë, dhe ne presim me padurim ndikimin e tij në Molineux dhe Compton këtë sezon.” , – deklaroi presidenti Jeff Shi.
“Wolves është një klub me lojtarë shumë të mirë, që dinë të luajnë futboll, dhe të kesh mundësinë për të luajtur sërish në Ligën Premier ishte gjëja kryesore”, – tha Diego Silva në prononcimin e parë si futbollist i Wolves.
Costa është pjesë e futbollit evropian që nga viti 2006 kur iu bashkua skuadrës portugeze Sporting Braga, derisa bëri karrierë në Portugali edhe te Penafiel.
Karriera e tij vazhdoi në Spanjë te Atletico Madrid, Celta de Vigo, Albacete, Real Valladolid para se të luante në Angli për Chelsean dhe së fundmi në Brazil te Atletico -MG.
